sábado, 4 de abril de 2020

Saturday 4th, April, 2020

Easter holiday

Hello everyone!

Ola a todos, alumnos/as e familias! Espero que todos/as vos atopedes ben. 😀😀😀
Hoxe sábado comenza oficialmente a semana de vacacións de Pascua. Este ano non imos poder organizar plans moi diferentes aos días anteriores. Ben me dou conta de que a situación que nos toca vivir non é nada agradable, pero xa sabedes: #quedanacasa é o noso deber agora.
Podería dicirvos varias cousas para intentar animarvos, pero mellor resumo: cada día que nos levantamos e abrimos as ventás para ventilar e respirar aire puro, temos que pensar que xa queda un día menos para poder abrir a porta e saír fóra a camiñar, correr, xogar, andar en bici, ver aos amigos...
De momento, aproveitade para desfrutar das actividades e momentos en familia, o máis importante que temos. Moito ánimo a todos/as!!!😅😅😅

Coméntovos tamén que crei unha conta de correo electrónico para a aula de inglés, co fin de que poidamos comunicarnos mentres dure esta situación. Calquera dúbida que vos xurda con respecto ás actividades do blog de Inglés, podedes preguntar e intentarei aclararvos ou axudarvos.

auladeinglesprado@gmail.com

Déixovos uns enlaces á páxina web de Macmillan con actividades interactivas a modo de xogos para os diferentes niveis de aprendizaxe.

Xa sabedes que son voluntarias, pero é conveniente continuar realizando algunha tarefa para non perder o ritmo do traballo e non esquecer parte do adquirido previamente durante o curso. De paso, tamén vos axuda a estar un pouco máis ocupados e entretidos. Como sempre vos digo a todos os alumnos/as, a competencia que máis necesitamos traballar e reforzar en lingua extranxeira é a escoita (listening).

Coidádevos moito e pasádeo ben!

Un abrazo a tod@s!😀😄

Precisades a axuda dun familiar (adulto) para rexistrarvos. É moi sinxelo, aquí vos explico os pasos.

1º- Pincha en Macmillan Pupil's Corner

-Dentro desta páxina, pincha en MATERIAL EXTRA

2º- Agora aparece Registro

-Aquí escribes os teus datos persoais, opción(pai/titor), correo electrónico e contrasinal (do adulto/a).

-Pinchas en Registrarme cando remates.

3º- Agora aparece Login the Usuaruios

- Aquí volves escribir o teu correo electrónico e o contrasinal.

-Pinchas en Ir a descargas cando remates.

4º- Agora xa podes ver os arquivos